Сантош има само една дилема: Еве како Португалија ќе ја нападне Македонија

28.03.2022 Mart Ponedelnik

Португалските медиуми го најавуваат последниот меч од квалификациите за Мундијалот, на кој Португалија ќе биде домаќин на репрезентацијата на Македонија.

Поранешниот европски првак е фаворит за обезбедување пласман на светскиот собир. Ѕвездите и реномето носат притисок за тимот на Фернандо Сантош, кој ќе нема право на грешка на домашниот дуел на „Драгао“.

Според последните информации од медиумите, португалскиот селектор има само една дилема за почетниот состав. Коста ќе остане на голот, одбраната ќе ја предводат Кансело, Данило, Пепе и Мендес, а во средниот ред ќе истрчаат Мутињо, Отавио, Бернардо Силва и најверојатно Бруно Фернандеш, кој е под знак прашалник за овој меч.

Нападот ќе го предводи Кристијано Роналдо, покрај Диого Жота, кој игра во одлична форма оваа сезона.