„Сан“: Јунајтед може да го доведе Мбапе во луда размена која ќе ги шокира фановите

Килијан Мбапе му соопштил на ПСЖ дека не планира да го продолжи договорот кој истекува следното лето, а според медиумите, сега францускиот клуб сака да ја продаде својата прва ѕвезда уште ова лето.

Причина е секако заработката од трансферот на Мбапе, која не би постоела следното лето, а таблоидот „Сан“ пренесува дека катарските сопственици може да направат луда размена со Манчестер Јунајтед.

Ерик тен Хаг би бил презадоволен да го добие Мбапе во својот напад, но за такво нешто Јунајтед би требало да се откаже од Маркус Рашфорд, за кого одамна постои интерес кај првите луѓе на ПСЖ.

Интересно е што и договорот на Рашфорд истекува следното лето и тој нема ставено потпис на нов, па ваквата ситуација го става слична положба со Мбапе во ПСЖ.

Французинот долго е поврзуван со Реал Мадрид, но Манчестер Јунајтед е уште еден клуб со високо реноме и може да се надева да добие „да“ од Мбапе, посебно ако се исполнат најавите дека нов сопственик ќе биде Шеикот Јасим, доаѓа од Катар, односно е сонародник на сопствениците на ПСЖ.