РФМ објави важни логистички информации за ракометниот спектакл „Сите ѕвезди“

Македонската спортска јавност вечерва ќе може да ужива во ракометно-музичкиот спектакл кој го организира РФМ во чест на легендите на овој спорт, играчи кои вечерва ќе добијат шанса за проштално играње пред многубројната публика.

Настанот насловен „Сите ѕвезди“ ќе има хуманитарен карактер и сите средства ќе бидат проследени во СОС Детско село, но бидејќи интересот за истиот беше огромен, РФМ излезе со важни логистички информации за фановите.

– Сите билети за настанот „Сите ѕвезди за СОС Детско село“ се распродадени. За целите на успешна реализација на настанот, љубезно ве информираме за следново:

– Вратите за влез во арената „Борис Трајковски“, се отвараат во 17:30 часот, а се затвараат во 18:50 часот.

– Програмата ќе започне во 19:00 часот.

Ви благодариме за хуманоста и ви посакуваме да уживате во вечерашниот настан! Со почит,Ракометна Федерација на Македонија.