Рубљов спасуваше три меч топки и освои поен за паметење

Андреј Рубљов ја освои титулата во Бастад откако во финалето го победи Каспер Руд, а како шампион на турнирот во Шведска денеска пристигна во Хамбург и имаше тешко отворање во Германија.

Рускиот тенисер се спасуваше од пораз во мечот со Шпанецот Запата Миралјес, но покажа квалитет кога беше најтешко и се врати од загубена ситуација.

Рубљов губеше со 6:4 во тајбрејкот на третиот и одлучувачки сет, спаси две меч топки во низа и потоа се извади и од трета, за на крајот да победи со 9:7.

Победата од 2:1 сигурно ќе ја памети по високото ниво на игра и израмнетата борба, но и по еден поен кој го освои во првиот сет.

Рубљов го „прошета“ цел терен и не се откажа од ниту една топка по нападите на Запата, за на крајот да го освои поенот со една скратена топка за која ривалот едноставно немаше одговор.