Роналдо побара една работа од португалските фанови: Ако тоа го направиме, сигурно ќе ја победиме Мак

28.03.2022 Mart Ponedelnik

Роналдо побара една работа од португалските фанови: Ако тоа го направиме, сигурно ќе ја победиме Македонија Кристијано Роналдо е еден од главните адути на португалската репрезентација која утре ќе ја пречека Македонија во финалето во баражот за пласман на Светското првенство кое годинава во ноември и декември се игра во Катар.

Македонија имаше одлични резултати во овој циклус во кој ја совлада Германија на нејзин терен во Дуизбург (групна фаза) за да пред неколку денови ја добие Италија во Палермо во полуфиналето во баражот, но ова не ги плаши Португалците кои веруваат дека ќе дојдат до билет за мундијалот.

-Македонија е многу организирана репрезентација и ја почитуваме. Сепка ако одиграме најдобро што знаеме, тогаш можеме секого да победиме. Позитивно е што се враќа Пепе, знаеме колку е важен за репрезентацијата, -истакна Кристијано кој имаше специјално барање до фановите за утрешниот меч, барање кое по се изгледа ќе му биде исполнето.

-Минатата ноќ си легнав во кревет размислувајќи: Сакам химната да започне да свири и потоа да запре, па ние сите ние-навивачите и играчите да продолжиме да пееме без музика. Да го почувствуваме срцето, енергијата и позитивизмот.

-Барам ова да се случи затоа што сум сигурен дека ако Португалците се со нас како во четвртокот, тогаш сигурно ќе победиме, -порача ѕвездата на Јунајтед.