Роналдо му бил понуден на Баерн: Не треба да го сожалувате…

Кристијано Роналдо имаше желба да го напушти Манчестер Јунајтед во летниот преоден рок и да заигра за тим кој ќе настапува во Лигата на шампионите, но Португалецот и неговиот агент Жорге Мендеш не пронајдоа решение и тој мора да остане во сегашната средина најмалку до 2023 година.

Се споменуваа неколку клубови, опции за ѕвездата, Мендеш го нудеше на топ клубовите во Европа, а еден од нив дефинитивно бил Баерн Минхен.

-Тој е неверојатно голема личност. Голем играч кој остави свој белег во светот на фудбалот во изминативе години. Не беше опција за нас бидејќи правевме други работи. Ама не треба да го сожалувате. Тој е одличен фудбалер кој постигна големи работи во последните години, -истакна за „Скај Спорт“ спортскиот директор на бундеслигашот, Хасан Салихамиџиќ.