Роналдо и Меси го продадоа најскапиот билет во фудбалската историја

Кристијано Роналдо ќе го одигра првиот натпревар во Саудиска Арабија и тоа ќе бид ревијалниот дуел против ПСЖ во Ријад. Португалецот ќе биде во тимот комбиниран од играчи на Ал Наср и Ал Хилал, а тоа ќе му биде и ново соочување со Лионел Меси, кој ќе го носи дресот на ПСЖ. Ваквото сценарио доведе и до продажба на најскапиот билет во фудбалската историја, бидејќи бизнисмен од Саудиска Арабија, Мушараф бин Ахмде Ал-Гамди купил ВИП билет вреден 2,1 милиони фунти. Билетот е купен на наддавање кое започнало со сума од 220.000 фунти, а завршило со речиси десет пати поголема сума, при што средствата ќе одат во хуманитарни цели.