Роналдо за домашни трошоци месечно издвојува по 100.000 евра, пишуваат шпанските медиуми

Португалската фудбалска мегаѕвезда Кристијано Роналдо и неговата свршеница Георгина Родригез се еден од најпопуларните и најбогати парови во светот.

Шпанска „Марка“ објави дека Кристијано Роналдо на Георгина ѝ уплаќа 100.000 евра месечно за потребите на домаќинството.

Треба да се напомене и дека Роналдо минатата година во „Манчестер јунајтед“ заработи 120 милиони евра.

Се проценува дека и самата Георгина како инфлуенсерка заработува околу 8 илјади евра месечно.

Со Роналдо веќе имаат едно дете, ќерката Алана, а моментално чекаат близнаци.

Роналдо има уште три деца – Ева, Матео и Кристијано, а тие се родени од сурогат мајка.