Роналдо го посочи клучниот фактор за кам-бекот на „Олд Трафорд“: Тој е причината за моето враќање

02.09.2021 Septemvri Cetvrtok

Кристијано Роналдо го одработи првото интервју за официјалната клупска телевизија на Манчестер Јунајтед по комплетирањето на трансферот, разговор во кој Португалецот сега и јавно призна дека Сер Алекс Фергусон одиграл клучна улога во неговиот кам-бек на „Олд Трафорд“.

Првично, Роналдо беше во преговори со Манчестер Сити и многумина го видоа во синиот дрес, но во вистински час, пристигнала интервенција од легендарниот Сер Алекс кој е главна причина за враќањето на Роналдо на театарот на соништата.

– Како што знаат сите, кога првпат потпишав за Јунајтед имав 18 години и тогаш Сер Алекс Фергусон беше клучниот човек. Се сеќавам на денот кога играв против Манчестер како играч на Спортинг, за мене Сер Алекс е фудаблски татко. Тој многу ми помогна, ме научи многу работи и неговото мислење за целата ситуација имаше огромно влијание кај мене. Имаме фантастичен однос, постојано сме во контакт и навистина многу го сакам. Тој беше клучен да бидам во оваа позиција, да се вратам и да потпишам за Јунајтед.

– Мислам дека ја донесов најдобрата одлука. Ова е нова епизода за мене во Манчестер по етапата во Јувентус, многу сум среќен и сакам одново да испишам историја, да му помогнам на Јунајтед да дојде до добри резултати.

– Фановите сега се назад на стадионите и тие се клуч за фудбалот. Не е исто како пред една година кога игравме без фанови. Навивачите се клучни во фудбалот, а фановите на Јунајтед се специјални, ги паметам навистина добро. Знам дека се уште ја пеат мојата песна и тоа прави да бидам уште помотивиран, да го дадам максимумот. Со нетрпение чекам да ги видам, – изјави Кристијано.