„Романтична балетска вечер“ на 2 јуни во НОБ

01.06.2021 Juni Vtornik

На 2 јуни со почеток во 20 часот, во салонот на Националната опера и балет ќе биде изведен балетскиот концерт „Романтична балетска вечер“.

Балетскиот концерт опфаќа две балетски дела во кореографија на Аугуст Бурнонвил (Данска) инспирирани од Франција и Шпанија. „Конзерваториумот“ од 1849 година, што претставува омаж на неговата младост и едукативен престој во Франција и „La Ventana (Прозорецот)“ кој ја отсликува неговата страст за Шпанија. Изведбата е поставена и режирана од Ева Клоберг и Франк Андерсен (Данска).

Музика од Х. С. Паули, Х. К. Лумбие, В. К. Холм, Е. Хелстед, сценографијата е на Зоран Николовски, костимите ги изработи Марија Пупучевска, а асистент на продуцентите е Саша Евтимова. Настапуваат првенци, солисти и балетскиот ансамбл на Националната опера и балет.

Настанот ќе се одржи според протоколите предвидени со моменталната состојба предизвикана од пандемијата ковид-19 за одржување настани, одобрени од Комисијата за заразни болести.

Задолжително е носење на заштитна маска. Влезот за публика ќе биде отворен еден час пред почетокот на настанот. Билетите се во строго ограничен број.