Рома отворена за продажба на Ѕаниоло, играчот пред преселба во Премиер лигата

Од редовите на Рома се одлучиле да не му стојат на патот на својот играч, Николо Ѕаниоло и да му дозволат да си замине од клубот уште во јануарскиот преоден рок.

Преговорите за нов договор на италијанскиот репрезентативец биле стопирани и од клубот му дале зелено светло на Ѕаниоло да преговара со други тимови во кои би ја продолжил кариерата.

Во моментов најзагреан клуб за неговиот потпис е Тотенхем кој е предводен од Антонио Конте кој добро ги знае квалитетите на офанзивецот кој во последно време мака мачи со повредите и нема баш најстандарден ритам.

Рома за да го ослободи од обврските ќе бара околу 40 милиони евра, сума која не би требало да претставува проблем за „петлите“ од Северен Лондон.