Родриго: Тој е вистинска ѕвезда, може многу да ни помогне

Родриго од година во година игра се позначајна улога во шпанскиот великан Реал Мадрид, улога која во новата сезона треба да биде уште поголема ако се земе во предвид дека екипата остана без главниот напаѓач, голгетер, Карим Бензема кој се пресели во Саудиска Арабија.

„Кралевите“ не донесоа соодветна замена за него иако беше ангажиран Хоселу, ама тој не се очекува да биде истурен, односно ќе чека шанса од клупата. Реал доведоа неколку имиња, беа потрошени доста пари, но останува отворено прашањето дали ќе повлечат уште некој потег или најконретно дали ќе тргнат во напад на Килијан Мбапе.

Познати се проблемите, судирот на релација Мбапе-ПСЖ, а Реал постојано се споменува како решение. Меѓутоа ова веќе трае подолго време и тоа многу добро го знае Родриго кој запрашан за оваа тема директно одговори:

-Во Реал Мадрид е многу комплицирано, секогаш има гласини и оваа година имаше гласини за Хари Кејн. Кога пристигнав во Мадрид, многу се зборуваше за доаѓањето на Погба, јас немам никаква информација, треба да почекаме и да видиме. Секако, се надевам дека ќе дојде Мбапе бидејќи многу ќе ни помогне. Тој е вистинска ѕвезда, но ние навистина ништо не знаеме, -порача Бразилецот за „Спорт ТВ“.