Родриго не се плаши од Мбапе: Тоа ќе биде среќен проблем за тренерот

01.04.2024 April Ponedelnik

Родриго Гоеш со два погодоци одигра клучна улога во победата на Реал Мадрид над Атлетик Билбао во шпанската Примера.

Офанзивецот имаше одлична партија која ја круниса со две мајстории и со тоа испрати јасна порака дека се уште е важен дел од тимот.

Бразилецот е среќен поради ова издание, па запрашан за тоа дали доаѓањето на Килијан Мбапе може да биде проблем за него, тој даде јасен одговор:

-Мбапе во Реал? Мислам дека е блиску како што велат новинарите, ви верувам момци! Но, не знам што се случува. Ако дојде Мбапе, ќе ме седнат на клупа? Тоа ќе биде среќен проблем за менаџерот. Фокусиран сум само на Реал Мадрид, -порача Родриго.