Род Стјуарт ги продаде правата за своите песни за 100 милиони долари

16.02.2024 Februari petok

Британскиот музичар Род Стјуарт ги продаде издавачките правата и целиот каталог со неговите песни за речиси 100 милиони американски долари, објави „Волстрит џурнал“.

Компанијата „Iconic Artists Group“ за споменатата сума ги купила правата на каталогот на Стјуарт, како и одредени права за користење на неговиот лик и име.

Ова е втора голема продажба на права во светот на поп и рок музиката за помалку од една недела. Имено, „Сони“ (Sony) од наследниците на Мајкл Џексон купи половина од правата на неговите изданија и песни, чија вредност „Њујорк Тајмс“ ја процени на 1,2 милијарди американски долари. Според музичкиот магазин „Билборд“, „Сони“ платил најмалку 600 милиони долари за половина од правата.

Пазарот за музички права е исклучително активен во последниве години, па легендарните музичари како Боб Дилан, Брус Спрингстин и Нил Јанг ги уновчија своите каталози на песни.

Инвеститорите веруваат дека нивната инвестиција ќе се исплати повеќекратно во ера кога услугите за стриминг музика цветаат, имајќи предвид дека носителите на правата заработуваат пари од секое емитување на песни, продажба на албуми, употреба на музика за промотивни цели или во филмови и серии, што е пропишано со законите за авторски права.