Ристовска перфектна во новото славје на ЦСКА Москва

ЦСКА Москва игра без грешка во оваа сезона во првата лига на Русија, шампионат во кој сега има 34 победи во 34 натпревари.

Последниот е остварен на домашен терен над составот на Лада Тољати со 30:26. Гостите за разлика од претходните пресметки во оваа сезона покажаа заби, беа порамноправен противник, ама на крајот тоа беше доволно само за подостоинствен пораз.

Македонската репрезентативка Сара Ристовска имаше перфектна партија со три голови од три обиди, Михаиличенко со осум голови беше лидер на листата на стрелци.

Нареден противник за ЦСКА е Астраханочка.