Ридигер го посочи играчот кој ќе се обиде да го копира во Реал: Тој е мојот пример, вистински ѕвер н

Антонио Ридигер вчера беше официјално претставен како нов играч на Реал Мадрид, чекор кој сигурно е најголем во кариерата на германскиот репрезентативец кој досега настапуваше за Челси, а претходно беше во Рома.

Популарниот Тони пристигнува во Реал во зенитот на својата кариера и на 29 години го облече белиот дрес на „кралскиот клуб“, кој секако има посебна тежина поради традицијата и историјата.

Ридигер изминатава сезона имаше можност да игра на „Сантијаго Бернабеу“ и дозна колку 90 минути можат да бидат долги во домот на Реал, но додека ги собира првите импресии, го откри и играчот кој ќе се обиде да го копира.

– Има многу дефанзивци од највисоко ниво кои го носеле дресот на Реал Мадрид, но ако треба да изберам само еден, тогаш тоа е Пепе.

– Пепе има квалитети кои ме воодушевуваат. Од тоа што го имам слушнато, тој е многу добар и љубезен надвор од теренот, но вистински ѕвер на него. Тој е мојот пример и сакам да го повторам тоа што тој го направи тука, – вели Ридигер.