Реал ја потврди операцијата и почетокот на рехабилитацијата на Куртоа

Повредата на лигаментите на Тибо Куртоа е голем удар за Реал Мадрид, а белгискиот голман ќе ја пропуши цела сезона поради сериозниот карактер на проблемот кој го заработи.

Денеска, шпанскиот клуб потврди дека Белгиецот е успешно опериран и започнува со долгиот процес на рехабилитација.

– Куртоа денеска е опериран од докторот Мануел Лејес, под надзор на медицинскиот тим на клубот. Рехабилитацијата започнува по неколку дена, – вели Реал во соопштението.

Во меѓувреме, Реал го доведе Кепа од Челси како замена за Куртоа и тоа ќе биде голем предизвик за шпанскиот голман.

Само неколку дена по пехот за голманот, слична повреда заработи и Едер Милитао.