Реал со посебна честитка го поздрави Надал и неговата 14. на Ролан Гарос (ФОТО)

Рафаел Надал дојде до уште еден голем успех во неговата кариера, 22. грен слем титула која ја освои на неговиот најгомилен турнир Ролан Гарос.

Шпанскиот ас во финалето беше подобар од Каспер Руд со 3-0 во сетови со што уште еднаш потврди дека е вистинска класа за себе, човек кој се бори, жртвува и дава се од себе за да успее. Ова за Надал беше воедно 14. пехар на Френч Опен, бројка која се поклопи со онаа на Реал Мадрид кој токму во Париз дојде до 14. европска титула.

Ова „кралевите“ го искористија во честитката до Рафа кој да не заборавиме е голем навивач на великанот од „Сантијаго Бернабеу“.

-Честитки за историскиот подвиг. Чест е што имаме можност да уживаме во играта на големиот мадридиста и почесен член на клубот, кој е најдобар тенисер на сите времиња. Ти честитаме на 22. грен слем титула, твоја 14 на Ролан Гарос. Нема сомнение дека 14-ката е магична бројка во оваа година, -порачаа од Реал.