Реал не успеа да ја скрши жилавата Осасуна

27.10.2021 Oktomvri Sreda

Фудбалерите на Реал Мадрид минатиов викенд дојдоа до голема победа во дербито против Барселона, но тој триумф не го потврдија против Осасуна која вечерва се избори за бод на пресметката на „Сантијаго Бернабеу“.

„Кралевите“ важеа за огромни фаворити на овој меч, меѓутоа како и многупати сезонава покажаа осцилации во играта и не ги израдуваа своите навивачи. Домаќините упатија скоро 20 удари кон голот на гостите од Памплона, ама ниту еден од нив не заврши зад грбот на Ерера.

Во вториот дел двата состави ја тресеа рамката од голот, ама до промена на резултатот не дојде и дуелот заврши без победник (0-0).

Четата на Анчелоти со 21 бод е на врвот на Примера, Осасуна со 19 е на 6 позиција на табелата.