Реал значително ослабен отпатува во Сан Себастијан, фановите исплашени од молкот на клубот (Фото)

Експедицијата на Реал Мадрид ова утро отпатува за Сан Себастијан каде „кралевите“ вечерва играат дерби натпревар против Реал Сосиедад, но Карло Анчелоти доби уште една лоша вест пред заминување.

Карим Бензема во последен момент отпадна од комбинација за настап и останал во шпанската престолнина, а фановите се поисплашени поради тоа што клубот молчи и не издаде никакво соопштение за неговата здравствена состојба.

Во овој момент остсанува непознато зошто Французинот нема да игра против Реал Сосиедад, односно нејасно е дали е повреден, или добива поштеда пред важните натпревари кои следат, финалето против Осасуна во Копа дел Реј и полуфиналето со Манчестер Сити.

Со отсуството на Карим, проблемите за Анчелоти во нападот ќе бидат уште поголеми, бидејќи од претходно беше познато дека нема да игра и Винисиус Жуниор поради акумулирани жолти картони.

Поради повреди, надвор од ростерот се и Алаба, Менди и Модриќ.