Рајан Гослинг и Ева Мендес вљубени како и пред една деценија

Рајан Гослинг во моментот е насекаде благодарение на улогата на Кен во претстојниот филм „Барби“. Но, актерот од „Ла ла ленд“ е семеен човек во срцето, каде што главното место го имаат долгогодишната негова партнерка Ева Мендес и нивните две ќерки Есмералда (8) и Амада (6). Двете ѕвезди меѓусебно се поддржуваат во кариерата – дури и иако јавно не говорат еден за друг. „Таа е неговиот број 1 фан и сака кога тој снима големи филмови, како ‘Барби’,“ изјави извор за „Јуес викли“. „Рајан исто така ја поддржува Ева во сè и. едноставно. ја обожава“. Рајан и Ева почнаа врска во 2011 година во текот на снимањето на „Местото зад боровите“ (The Place Beyond the Pines). Минатиот месец тие прославија 10 години заедно, а актерката од „Хич“ го одбележа овој повод со стари фотографии од нив двајца од филмот што ги спои. Во друга објава по повод нивната годишнина таа напиша: „Магијата е вистинска. Не се запознавме на снимање. Магијата почна многу порано, но еве мала магија снимена со камера. Благодарност до неверојатниот режисер Дерек Чанфренс“. И покрај долгата врска, двете ѕвезди ретко се појавуваат заедно на црвениот тепих – иако фановите бараа да го сторат тоа. Ева и Рајан избраа да ги држат својата врска и своите ќерки подалеку од очите на јавноста. „Не зборувам за Рајан и за сите прекрасни работи што тој ги прави како татко бидејќи тој дел го чувам приватен“, напиша ѕвездата на Training Day на социјалните мрежи во една пригода.