Раул има сериозна понуда од познат тим од Примера, Реал подготвен да го ослободи

Раул Гонзалес веќе неколку сезони одлично си ја врши работата во Реал Мадрид Кастилја и одлично се покажа во резервниот тим на „кралскиот клуб“, но сега пред себе има понуда која може да му донесе огромен скок во тренерската кариера.

Легендарниот напаѓач на Реал е дел од тренерските води веќе пет години и насобра искуство со млади фудбалери, меѓутоа ова може да се промени во најскоро можно време, а за тоа известуваат угледните шпански медиуми.

Раул Гонзалес добил примамлива и сериозна понуда од познат клуб од Ла Лига за да ја преземе улогата на шеф на стручниот штаб, а од друга страна, Реал Мадрид му ја отвора вратата за оваа возбудлива авантура во кариерата.

Станува збор за понуда од Вилјареал, клуб кој во текот на оваа недела изненадувачки го „шутна“ Кике Сетиен и најави дека наскоро ќе го објави името на новиот тренер.

„Марка“ тврди дека Раул е на врвот на листата на „жолтата подморница“, а исто така открива дека тренерот сериозно ја разгледува понудата и планира да ја прифати.