Рангник зачекори на „Олд Трафорд“, ни нема да го води клубот на утрешната средба со Арсенал (Фото)

01.12.2021 Dekemvri Sreda

Новиот тренер на Манчестер Јунајтед, Ралф Рангник ќе почека за своето деби на клупата на „Олд Трафорд“ и нема да го води тимот на утрешниот натпревар против Арсенал, иако уште завчера беше потврдено неговото доаѓање во Англија. Причината што Рангник нема да е на клупата на Манчестер Јунајтед за натпреварот против „топчиите“ е тоа што тој се уште ја нема добиено потребната работна дозвола, а додека од клубот му ги средат сите документи, тимот ќе го води Мајкл Керик. И покрај тоа што нема право за работа како тренер на Јунајтед, Рангник имаше можност одблиску да се запознае со „Олд Трафорд“ и условите околу стадионот во текот на денешниот ден. Германецот во друштво на спортскиот директор на „ѓаволите“, Џон Муртдог бил на „театарот на соништата“, а фотографиите од оваа средба се проширија на социјалните мрежи. Рангник бил присутен и во тренинг центарот Керингтон, па веќе се зборува дека и тоа како ќе има улога во изборот на тимот кој утре ќе му се спротивстави на Арсенал.