Рангник бара казни и за Арсенал и Евертон, не само за Челси

Стратегот на Манчестер Јунајтед, Ралф Рангник беше еден од многуте кои дадоа коментар за случувањата околу тимот на Челси.

Британската влада го замрзна имотот на Роман Абрамович кој доби забрана да го продава и Челси, како и да извршува трансакции во клубот.

Владата на Велика Британија тоа го стори како санкција поради воениот удар кој Русија го изврши во Украина каде веќе две недели има војна.

Стратегот на Манчестер Јунајтед, Ралф Рангник меѓу редови истакна дека не треба само Челси да биде казнет, туку и Арсенал и Евертон кои исто така имаат руско влијание во своите клубови.

– Никој во оваа просторија, или каде и да е, не можеше да предвиди што ќе се случи последниве денови. Мора да бидеме многу внимателни при обвинувањето на некого.

– Роман Абрамович е сопственик на Челси, но Арсенал и Евертон исто така имаат руско влијание околу нив, па Челси не е единствениот клуб, -истакна Рангник.