ПСЖ ќе пристигне во Торино без тројца фудбалери

ПСЖ ќе му гостува на Јувентус во обид со победа да го потврди првото место во групата, а тренерот Кристоф Галтие нема да смета на тројца фудбалери. Францускиот првак го објави списокот за патувањето во Торино, а таму нема да биде Нејмар кој е суспендиран поради жолти картони. Поголем проблем за ПСЖ е повредата на Преснел Кимпембе кој заработи повреда на ахиловата тетива и веројатно ќе паузира подолг период, а поради повреда во комбинација не е ниту голманот Кејлор Навас. Килијан Мбапе и Лионел Меси ќе ја предводат делегацијата на ПСЖ во Италија, а на списокот на Галтие се 21 фудбалер. ПСЖ досега собра 11 бода, колку што има и Бенфика, а дуелот со Јувентус го игра утре од 21 часот.