Пронајдена слика на фламанскиот барокен сликар Рубенс која била изгубена цели три века

Делото на фламанскиот барокен сликар Питер Пол Рубенс било изгубено речиси триста години, но на претстојната аудиција би можело да достигне цена од над шест милиони евра, пишува CNN, пренесува Јутарњи лист.

Сликата ја прикажува приказната за римскиот војник Себастијан кого откако го прифатил христијанството, римските војници го раниле со стрели и го оставиле да умре. Меѓутоа, тогаш се појавуваат ангели да го излечат.

Кога Џорџ Гордон, еден од директорите на Сотби на Одделот за сликање на старите мајстори, го видел ова дело на изложбата, му оставило „силен впечаток“.

„Клучот е живоста на ударите со четката. Веднаш те восхитува брзината и енергичноста со која е насликана…“, коментира тој.

Се верува дека сликата е нарачана од италијанскиот благородник и воен командант Амброџо Спинола и дека е завршена во Италија помеѓу 1606 и 1608 година или помеѓу 1609 и 1610 година во Антверпен.

Амброџо Спинола, вели Гордон, бил посветен католик, што го објаснува изборот на светецот затоа што „кога верата на Себастијан станала очигледна и тој одбил да се откаже, тој станал маченик…“

Членовите на семејството на Спинола беа големи пријатели и покровители на Рубенс, додаде тој.

Рубенс се зближил со гореспоменатото семејство при неговата прва посета на Џенова во 1604 година, пишува Artnet News.

Првото познато спомнување на сликата е од тестаментот на синот на Амброџо, Филип од 1655 година.

Сликата исчезнала од историските записи во 1730 година додека била во сопственост на Ана Спинола, а повторно се појавила во 1963 година во Мисури.

Сегашниот сопственик го купил на аукција во 2008 година, но потоа му бил припишан на погрешен автор, францускиот сликар Лоран де ла Хир.

Во април, рендгенската анализа откри дека тоа е всушност дело на Рубенс и првата верзија на друга слика на Рубенс со иста тема, која со векови ја чувала семејството Корсини и која денес виси во галеријата Корсини во Рим. , според Јутарњи лист.