Пронајден документ кој вели Македонија го доби името од древното кралство кое ја покори Грција

19.07.2021 Juli Ponedelnik

Австралиски документ од 1998 година го привлече вниманието на Македонците

Големо интересирање меѓу Македонците предизвика откритието на документот на австралиската амбасада во Белград од 1998 година во кој се користи името Македонија и се дава интересен приказ за начинот на неговото настанување.

Во официјалниот документ, само на почетокот се користи терминот БЈРМ, додека потоа државава се ословува како Македонија. Во него се наведени и општи податоци за географската положба, политичката и за економската состојба, како и за населението во Македонија. Но најголемо внимание привлече објаснувањето за настанокот на името на државата.

– Македонија го доби името од древното кралство кое ја покори Грција под водство на Филип од Македонија, како и речиси целиот тогаш познат свет, во владеењето на неговиот син Александар Велики – пишува во документот објавен во март 1998 година.