Промоцијата на најновиот музички проект на пијанистот Бобан Мирковски

Во просториите на „Аудиокултура“ во Скопје денеска ќе се одржи промоција на најновиот музички проект на пијанистот Бобан Мирковски насловен „Албум“, во издание на „Баги Комуникации“.

Како што соопштија од издавачката куќа, се работи за проект кој содржи 12 врвни македонски композиции изведени на пијано од пијанистот Мирковски.

По промоција на албумот, на која ќе присуствуваат и авторите на композициите, ќе се одржи и прес-конференција.