Промоција на романот „Водена приказна“ од Александар Кукулев

„Водена приказна“ е наслов на новиот роман од авторот Александар Кукулев кој ќе биде промовиран утре (19 ч) во градската библиотека „Браќа Миладиновци“.

„Водена приказна” е современа приказна за последиците од Граѓанската војна во Грција. Горчливиот вкус на поразот и тажниот спомен за илјадниците раселени остануваат, оттргнати од заборавот токму во оваа книга. Писателот многу пластично, низ историски легенди како пример, ја отсликува вековната борба на Македонецот за создавање на своја сопствена држава, користејќи ги како урнек болните страдања и поедини лични македонски судбини, но и современото живеење на Македонецот во Грција.

Промотори е бидат проф. д-р Александар Даштевски, Јана Илиева и Софија Граматова Ристовска.

Александар Кукулев е новинар, публицист, прозаист и сценарист. Пишува поезија, проза и филмски сценарија. Автор е на поемата „Jazz“, а „Водена приказна” е негов трет роман. Добитник е на бројни награди и признанија од областа на публицистиката и литературата.