Провокаторот Мбапе предизвикал тепачка во тунелот на „Монжуик“ (ВИДЕО)

18.04.2024 April Cetvrtok

Пари Сен Жермен ја победи Барселона со 4-1 и со вкупни 6-4 обезбеди место во полуфиналето на Лигата на шампионите каде за ривал ќе ја има Борусија Дортмунд.

Гостите од Франција максимално го искористија црвениот картон на Араухо и сите инивидуални грешки на домашните играчи, па на „Монжуик“ направија комплетен пресврт во кој со два гола учествуваше и Килијан Мбапе. Еден беше од пенал, еден кога Барса тргна на се или ништо, па се создаде простор по кој по мешаницата среќно дојде топката до него и лесно му беше да ја спроведе во мрежата на Тер Штеген.

Напаѓачот како и сите во таборот на ПСЖ беа среќни и задоволни, но Мбапе при прославата претерал и настанал хаос во тунелот на стадинот. Имено „Мундо Депортиво“ пренесува дека Французинот при влезот во тунелот, патот до соблекувалната почнал да вика и порачува „ова е фудбал и теренот е место каде што зборуваме“.

Оваа порака, зборови на ѕвездата на гостите не поминале добро кај домашниот табор, играчи кои од претходно беа нервозни и сметале дека ова е дополнителна провокација за нив по што настанала мешаница, хаос, имало навреди, викања, ситуација во која учествувале 60 луѓе.

На крајот ситуацијата се смирила без никој посериозно да биде повреден.