Притисокот се зголемува, ова се натпреварите кои можат да ја одлучат иднината на Инѕаги во Интер

Интер доживеа болен пораз од Рома во Серија А, а со тоа дополнително се зголеми притисокот врз тренерот Симоне Инѕаги кој во актуелнава сезона не успева да ги испорача посакуваните резултати.

Навивачите веќе некое време бараат негова смена, ама управата засега е зад него, меѓутоа секое трпение си има и крај, па така според „Газета Дело Спорт“ трите наредни средби можат да бидат клучни за иднината на Инѕаги во Милано.

„Нероаѕурите“ имаат двомеч со Барселона во Лигата на шампионите и дуел со Сасуоло, па ако тука Интер не помине на посакуван начин тоа може да биде и крај за италијанскиот стратег на „Џузепе Меаца“.

Останува да се види како ќе течат работите, но она што е познато е дека Симоне има договор до 2024 година.