Принцот Хари и Меган Маркл фотографирани на ретко заедничко излегување во Лос Анџелес

12.07.2024 juli Petok

Меган Маркл и принцот Хари беа фотографирани во ретко заеднничко излегување.

Двојката присуствуваше на ESPY Awards (годишна награда, која ги признава индивидуалните и тимските спортски достигнувања и други спортски достигнувања) во Лос Анџелес.

Водителка на програмата беше Серена Вилијамс, која ги поздрави војводата и војвотката од Сасекс во својот воведен монолог.

Принцот Хари и Меган се тука. Ве молам, не дишете премногу. Ова е моја ноќ и не сакам подоцна да ме обвинуваат дека баш вие земате премногу кислород“, се пошегува Серена, а Меган и Хари од првиот ред се насмеаја на нејзината шега.

Имено, Меган и Хари со години се добри пријатели со пензионираната тенисерка, која исто така присуствуваше на нивната свадба во 2018 година.

Принцот на крајот доби награда за неговото учество во игрите „Инвиктус“, кои ги основа во 2014 година во Лондон. Станува збор за спортски фестивал наменет за рехабилитација на воени лица и ветерани од целиот свет, а кои страдале психички и физички во битките.