Претседателот на Бразил за назначувањето на Анчелоти: Зошто прво не ги врати Италијанците на СП?

Карло Анчелоти ќе биде следен бразилски селектор и ќе ја преземе јужноамериканската селекција следното лето, откако претходно ќе ја одработи последната сезона од договорот со Реал Мадрид.

Назначувањето на италијанскиот стручњак отвори дебата во Бразил, а еден од оние кои не се сложуваат со одлуката на федерацијата е бразилскиот претседател Луиз Инасио Лула да Силва.

– Ми се допаѓа Анчелоти, но тој досега не бил италијански селектор.

– Зошто прво не ги реши проблемите на Италијанците, кои ги пропуштија последните две светски првенства? прашува Лула да Силва.

– Лесно е да водиш клуб во Европа со единаесет одлично селектирани фудбалери. Тешко е да бидеш тука и да го водиш Коринтијанс, би сакал да го видам Анчелоти како ќе се снајде во овој клуб, – рекол бразилскиот претседател, алудирајќи на фактот што за привремен селектор е назначен тренерот на Коринтијанс, Фернандо Диниз.

Диниз ќе ја води селекцијата до следниот јуни, а Анчелоти ќе пристигне пред почетокот на Копа Америка.