Премиерот им вети премија ако победат против Роналдо, но сепак фудбал нема да има на Националниот се

28.03.2022 Mart Ponedelnik

Премиерот им вети премија ако победат против Роналдо, но сепак фудбал нема да има на Националниот сервисНиза реакции во јавноста по информацијата дека дипломатски пасоши од Министерството за надворешни работи ќе добијат двајца фудбалски репрезентативци Александар Трајковски и Енис Барди, како и селекторот Боби Милевски откако и донесоа голема победа на Македонија.

-Смешен си господине и жален. Гледај си политика и пушти ги хероите да уживаат. За нив треба споменици, а не пасоши, напиша нашиот познат фудбалер Горан Пандев на инстаграм.

-Добро бе Бујар, добро бе МНР, ај што докторов нема две чисти у главата, ама има ли некој таму нешто да каже. Како тоа давате дипломатски пасоши на само 2 играчи и селекторот, па уште и министерот ќе кажува дека они тројца биле најзаслужни или дека ако ја победеле Португалија ќе добиеле сите, праша тој. Па добро бе има малку здрав разум во оваа земја и нашиве институции. Или се дава дипломатски на сите или не се дава никому, реагираше активистот Ивор Мицкоски.

Граѓаните на социјалните мрежи се согласни дека сите спортисти во сите спортови што имаат одлични успеси и достојно што ја претставуваат земјата треба да бидат прогласени за Народни Херои.

-Директен пренос немаше, пасоши за сите нема. Чуда! - коменира еден фудбалски фан.

-Грешка е да се дадат пасоши за само неколку репрезентативци. Треба на сите, бидејќи фудбалот е групен спорт. Сите се заслужни за успехот, вели друг фан.

Премиерот Димитар Ковачевски вчера се појави во авионот со кој македонската фудбалска репрезентација одлета кон Португалија. Тој им посака среќа на фудбалските херои и им вети премија од 500.000 евра за победа на „Роналдо и екипата“ и пласман на Светското фудбалско првенство.

И утре, по којзнае кој пат македонските љубители на фудбалот нема да можат да го проследат мечот на Националниот сервис меѓу македонската репрезентација и тимот во чии редови настапува најдобриот европски фудбалер Кристијано Роналдо.