Прв шешир за СП 2026: Немаше сензации, Хрватска сега е во втор сад!

18.11.2025 Noemvri Vtornik

Познати се сите учесници во првиот шешир од групната фаза на Светското првенство (СП) кое во 2026 година ќе се игра во САД, Канада и Мексико, а со оглед на тоа што немаше изненадувања, Хрватска испадна во втор шешир.

Германија и Холандија со обезбеденото место на СП 2026 си обезбедија и место во првиот сад на ждрепката. Во вториот сад, пак, патуваат Хрватска и Мароко, кои, ако не извлечат еден од домаќините, тоа се САД, Канада и Мексико, ќе имаат тешка групна фаза.

Досега, познати се комплетно само учесниците во првиот шешир.

Шешир 1: Мексико, САД, Канада, Шпанија, Аргентина, Франција, Англија, Бразил, Португалија, Холандија, Белгија, Германија

Ждрепката за групната фаза на СП 2026 е закажана на 5 декември.