Прв пораз во Лигата на нации: Фудбалерките немаа сили против фаворизираната Словенија

09.04.2024 April Vtornik

Најсилната женска фудбалска репрезентација на Македонија отвори со победа на првиот натпревар во Лигата на нации, но тесната победа над Летонија (3:4) денеска за жал беше заборавена со висок пораз.

Нашите девојки ги пречекаа најдобрите фудбалерки на Словенија, а на теренот „Петар Милошевски“ гостинките остварија уверлив триумф кој дефинитивно беше и очекуван.

Фудбалерките влегоа со голем мотив на денешниот меч во второто коло по ветувачкиот настап во Рига, но Словенија брзо покажа дека е класа за себе и доста рано поведе во Скопје.

Корошец погоди за 0:1 во 24-та минута, пет минути подоцна погоди и Панчурова, но мрежите не мируваа и во второто полувреме во кое видовме уште три гола.

Прашникар го реши прашањето околу победникот на стартот на вториот дел, а до крајот конечните 0:5 ги поставија Кајзба и Колбл.