Почина Тина Тарнер, кралицата на рокенролот фото-видео

24.05.2023 maj Sreda

Легендарната пејачка Тина Тарнер (26, 1939 родена – May 24, 2023)почина на 83-годишна возраст, соопшти нејзиниот портпарол.

– Тина Тарнер, „кралицата на рокенролот“, почина денеска на 83-годишна возраст по долго боледување во нејзиниот дом во Куснахт во близина на Цирих, Швајцарија“ – изјави тој и додаде:

– Со нејзиното заминување, светот загуби голема музичка легенда.

Погребот ќе биде приватен, со блиски пријатели и семејството.

– Бараме да ја почитувате приватноста на нејзиното семејство во овој тежок момент – рече портпаролот на Тина Тарнер.

Последните неколку година, таа се борила со рак на црева, кој и бил дијагностициран во 2016, додека пак во 2017 година имала трансплантација на бубрег.

Тина Тарнер е една од најпопуларните пејачки во светот со повеќе од 180 милиони продадени албуми ширум светот.

Нејзини најголеми музички хитови во кариерата се: Simply the best, Proud Marry, I don’t Wanna Loose you, 1984, What’s Love Got to Do with it, I Can’t Stand the Rain, Help, River deep – Mountain High – и сингл што го отпеа со Ајк, We Don’t Need Another Hero…