Почина диџеј Томкрафт на 49 години, познат по големиот светски хит „Loneliness“

17.07.2024 juli Sreda

Легендарниот диџеј и продуцент Томкрафт, чие вистинско име е Томас Брукнер, почина на 49-годишна возраст.„Со тешко срце мораме да ве известиме дека вчера, 15 јули 2024 година, почина нашиот сакан татко и сопруг. Засекогаш ќе те носиме во нашите срца и ќе те сакаме додека повторно не се сретнеме“, пишува во објава на социјалните мрежи споделена од неговото семејство.Причината за неговата смрт сè уште не е потврдена.

Во знак на почит, германскиот музичар Вестбам напиша на Фејсбук дека настапил со него во Риген, Германија пред само две недели.

“Имаше одличен настап. Седев таму и слушав од почеток до крај, што ретко го правам. Звучеше одлично и непогрешливо. Можеби тоа беше неговиот последен сет. Не знам. Разговарав со него пред три дена и тој рече дека е на лекување од грип, но тој беше расположен, со нетрпение очекуваше да свири со сите нас на „Rave The Planet“. Но, не му било судено. Навистина е потресно. Почивај во мир брату“, напиша Вестбам.Инаку, диџејот и продуцент од Минхен беше најпознат по прогресив хаус и транс музика. Откако го запозна германскиот продуцент Ениак во 1996 година, тој создаде серија хитови со него, вклучувајќи ги „Viva“ и „Prosac“, кои постигнаа голем успех во раните двеилјадити.Во 2002 година, Томкрафт го издад светскиот хит е „Loneliness“, сингл кој ќе биде на врвот на музичките топ листи една година подоцна. Тој објави вкупно четири албуми за време на неговиот живот, сите во рок од само шест години.