Почина големиот македонски актер, Мето Јовановски се пресели во легендите

Познатиот македонки актер Мето Јовановски (1946) почина денеска на 77-годишна возраст. Тажната вест на социјалните мрежи ја соопшти неговиот колега Драган Спасов-Дац.

„Мето Јовановски се пресели во легендите. Нека му е вечна слава“, напиша Дац на Фејсбук.

„Тетовирање“, „Опстанок“, „Среќна Нова 49-та“, „Трето полувреме“, „Најдолгиот пат“ … се дел од филмовите во кои Мето Јовановски играше главна улога.

Неговата глумечка кариера започнала на сцената на Народниот театар во Штип, каде настапувал уште пред да се запише на студиите.

Оттогаш, за многу кратко време, Мето Јовановски се истакна како еден од водечките драмски уметници во Македонија.