Почина гитаристот Џорџ Тикнер, член на рок-групата „Journey“

Познатиот гитарист Џорџ Тикнер, еден од основачите на рок-групата „Џурни“(„Journey“), почина на 76-годишна возраст. Тажната вест ја потврди неговиот колега Нил Шон, преку објава на Фејсбук.„Имам многу тажна вест. Почина Џорџ Тикнер, оригиналниот гитарист на „Journey“ и текстописец на првите три албуми. Имаше 76 години. Џорџ… ти благодарам за музиката. Ќе одадеме почит на оваа страница некое време. Сочувство до неговото семејство и пријателите, како и до сите минати и сегашни членови на бендот. Толку потресно… “, напишал Шон.

Да потсетиме, рок групата „Journey“ своевремено беше многу популарна, а најголемите хитови им се „Don’t stop Believin“ и „Any way you want it“. Групата е основана во Сан Франциско во 1973 година, а Тикнер беше главен соработник на бендот и првиот гитарист.