Почина британскиот комичар и писател Бери Крајер

Еден од највлијателните писатели на британската комедија, Бери Крајер, почина на 86-годишна возраст. Тој пишуваше за некои од најголемите телевизиски имиња во текот на својата долга кариера, а на милиони луѓе им беше познат по улогата во емисијата на Би-би-си радио 4 „Жал ми е што немам поим.“ Краер пишуваше за великани на комедијата, вклучувајќи го и Томи Купер, а исто така, и самиот глумеше во етерот и на театарската сцена. Познати личности од светот на комедијата му оддадоа почит на легендарниот комичар и писател чиј живот беше исполнет со смеа. Ѕвездата на „Летечкиот циркус на Монти Пајтон“ и „Фолти тауерс“, Џон Клиз, рече: „Никогаш не сум сретнал толку добар, љубезен, ведар човек“. Дамата Естер Рантзен го опиша како „енциклопедија на хуморот“. Телевизискиот водител, кој првпат работеше со него во 1960-тите, рече: „На некој начин, Бери беше генијалец, но толку скромен што мислам дека ќе беше зачуден да го наречат гениј – но тој беше.“ „Каква тажна вест, еден од апсолутните великани на британската комедија, Бери Крајер, повеќе го нема. Славен, прекрасен, урнебесен и надарен писател и изведувач кој ги опфати сите традиции на стрипот. Универзално сакан… збогум, Баз,“ твитна актерот Стивен Фрај.