Почина актерот Пол Сорвино

Пол Сорвино, можеби најпознат по улогaта на Пол Цицеро во гангстерскиот еп на Мартин Скорсезе – „Добри момци“ (Goodfellas), почина на 83-годишна возраст, соопшти во понеделникот портпаролот на актерот.

Сорвино, исто така познат по портретирањето на полицискиот наредник Фил Серета во ТВ-сериjaта „Закон и ред“ (Law and Order) од 90-тите, работеше на филм и на телевизија повеќе од 50 години.

Тој одлично глумеше и гангстер и полицаец.

„Господин Сорино почина во клиниката ‘Мајо’ во Џексонвил, Флорида,“ изјави портпаролот.

Смртта на актерот ја потврди неговата сопруга Ди Ди. „Нашите срца се скршени, никогаш нема да има друг Пол Сорвино. Тој беше љубовта на мојот живот и еден од најголемите изведувачи што некогаш ги красел екранот и театарската сцена“, изјави таа за „Холивуд рипортер“.