Портрет на Гојко Божовиќ во книжарницата “Буква“ во Скопје

21.09.2021 Septemvri Vtornik

Во книжарницата „Буква“ на 22 септември (20.00 ч.), во рамките на Скопје Фелоушип програмата на Интернационалниот литературен фестивал “Про-за Балкан“ во Скопје, ќе биде претставен Гојко Божовиќ, повеќекратно наградуван српски поет, есеист, литературен критичар, уредник и издавач.

Три книги песни и една со есеи од Божовиќ се издадени на македонски јазик. Тој е основач и одговорен уредник на издавачката куќа „Архипелаг“ (Белград 2007) и Белградскиот фестивал на европската литература (Белград 2012). Потпретседател е и на српскиот ПЕН центар.

Заедно со Александар Прокопиев ќе разговараат и за Данило Киш, и ќе го промовираат македонскиот превод на книгата „Рани јадови“.

Во организацијата на настанот учествува и Српскиот културно-информативен центар “Спона“.