Поранешен фудбалер на ПСЖ: Клубот има големи играчи, но му фали колектив

Францускиот првак ПСЖ има голем број фудбалски ѕвезди во својот тим, но еден поранешен член смета дека никогаш не успеал да создаде вистински фудбалски колектив и тимски дух

Пабло Сарабија мина неколку сезони како член на составот од Париз, а по заемот во Спортинг, сега е член на Вулверхемптон.

– Беше неверојатно да играм покрај фудбалери како Нејмар, Мбапе и Меси. Тоа беше одлично искуство, но за мене е најважно да се чувствувам важно за колективот.

– Затоа решив дека треба да заминам во друг клуб, да бидам дел од еден колектив како вистинска фамилија, а не состав полн со одлични индивидуалци. Исто така не бев среќен и што не добивав шанса да играм, – изјавил Сарабија.

Шпанецот се пресели во ПСЖ од Севилја, за овој јануари да ги засили „волците“.