Покетино има големи планови со играчот кој добива најголем сеир: Прашање на време е кога ќе почне да

Покетино има големи планови со играчот кој добива најголем сеир: Прашање на време е кога ќе почне да биде регуларен стартер

Михаило Мудрик не се наметна како стартер на новата натпреварувачка сезона и засега е во втор план кај менаџерот Маурисио Покетино, кој по серијата критики и зајадливи коментари на сметка на Украинецот, реши да застане во одбрана на младиот фудбалер.

Мудрик пристигна во Челси пред половина година во трансфер вреден 100 милиони евра и оттогаш се соочува со огромен притисок, а тоа прави да има и лоши реакции како што беше онаа против Вест Хем.

Левото крило наиде на голем сеир поради катастрофалниот волеј кој го имаше на дербито, но посебно брутални во потсмевањето се навивачите на Арсенал кои се радуваат што Михаило на крајот не пристигна на „Емирејтс“.

Во текот на вчерашниот ден, се појави видео на кое се гледа како Мудрик е мета на сеир и на улиците во Лондон, нешто што го натера Покетино да реагира во заштита на својот фудбалер.

– Мудрик е многу млад играч кој поседува огромен талент. Мислам дека во моментов му недостасува континуитет и верба во себе, мора да продолжи да работи на тоа. Треба да продолжи напорно да работи и да покаже дека може да биде тука за тимот.

– Ние како тим мора да изградиме доверба во него, но и тој треба да изгради доверба со тимот. Ќе му биде потребно малку време за да дојде до посакуваното ниво, но не се сомневам дека ќе успее. Има огромен талент и само прашање е на време кога ќе почне регуларно да биде дел од тимот, – изјави Покетино.