Покетино добил повик за враќање во Тотенхем

Тотенхем остварил контакт со Маурисио Покетино, а темата била евентуално враќање на Аргентинецот во редовите на премиерлигашот.

„Би-Би-Си“ како медиум кој ретко објавува непотврдени шпекулации, тврди дека Даниел Леви разговарал со актуелниот тренер на ПСЖ и посакува да го врати на клупата во Тотенхем

Покетино беше отпуштен од лондонскиот клуб во ноември, а веќе во јануари го презема ПСЖ, кој не успеа да ја освои француската титула вторпат во последните девет години.

Во меѓувреме Тотенхем го отпушти Жозе Мурињо и го постави Рајан Мејсон како моментална замена, при што екипата го освои седмото место во веќе завршената сезона.

Заминувањето на Зинедин Зидан од Реал Мадрид веднаш го поврзаа и Покетино со евентуален транфер во „кралскиот клуб“, но засега нејасно е каква ќе биде стратегијата на Флорентино Перез по ова прашање.