Познати се термините за одложените мечеви во Серија А, Болоња и Интер ќе играат во април

30.03.2022 Mart Sreda

По паузата за репрезентациите се враќаат клупските натпревари, а една од лигите која со големо внимание ќе се прати е Серија А.

Во италијанското Калчо супер интересна е битката за пехарот, но и за местата за излез во Европа и сетоа ова ќе донесе голема возбуда со тоа што тимовите во брзо време ќе се израмнат по бројот на одиграни натпревари.

Имено Серија А ги објави датумите на шест одложени или поточно откажани мечеви поради КОВИД-19. Овие средби не се одиграа поради позитивни случаи на коронавирусот, па мораа да реагираат локалните власти.

Најважниот дуел е Болоња-Интер затоа што истиот може да има улога за Скудетото, па тој ќе биде одигран на 27 април.

Удинезе и Салернината ќе се соочат на 20 април, Фиорентина-Удинезе и Салернитана-Венеција ќе се играта на 27 април, додека Аталанта ќе го пречека Торино на 11 мај со тоа што овој датум ќе може да биде променет во случај составот од Бергамо да дојде до полуфиналето на Лига Европа.