Познати се паровите за четвртфиналето во Купот на Македонија

По комплетирањето на 11. првенствено коло во првата македонска кошаркарска лига, познати се паровите за четвртфиналето во Купот на Македонија кој како што е познато го носи името на нашата легенда „Благоја Георгиевски – Буштур“.

Завршницата на ова натпреварување ќе се одигра во месец февруари и тоа во периодот од 18 до 20, а на истото во првите пресметки ќе ги имаме овие парови кои се одредени по пласманот на табелата по системот 1-8, 2-7, 3-6, 4-5.

Двојките се следни:

1. (1) Пелистер – (8) ТФТ, 2. (2) МЗТ Скопје Аеродром – (7) Гостивар, 3. (3) Работнички – (6) Феникс 2010, 4. (4) Навико Академија ФМП – (5) Еуро Никел 2005

Вреди да се напомене дека имавме екипи кои се изедначени по бодови, па според правилата во таква ситуација решаваат меѓусебните средби, односно се прави мини-табела кога се во прашање повеќе тимови.

Ова значи дека вечните ривали МЗТ Скопје и Работнички можат да се соочат само во полуфиналето, секкао по услов прво да бидат поуспешни од Гостивар, односно Феникс.