top of page

Подвижниот терен на реновираниот „Сантијаго Бернабеу“ е вистинско ремек-дело (Видео)

Реал Мадрид ги одигра првите три натпревари во новата сезоан на гостински терен поради недовршени градежни активности на „Сантијаго Бернабеу“, стадион кој допрва ќе треба да го добие целосниот лик од реновирањето кое започна во корона-времето.

Домот на „кралевите“ добива сосема нов лик кој ќе ги исполни сите стандарди на навивачите на Реал Мадрид, но и на играчите кои треба да уживаат со настапите на теренот.

Флорентино Перез побара да биде запазена цела најмодерна технологија при реновирањето на „Бернабеу“, а првиот меч на домашен терен во новата сезона ни донесе и видео кое е навистина фасцинантно.

Реал Мадрид долови како изгледа новиот подвижен терен на стадионот и покажа колку полесно ќе биде да се менува тревата, видео кое докажува дека подновениот „Бернабеу“ ќе ги исполнува сите стандарди на најмодерните стадиони во Европа како што се „Алијанц арена“, „Вембли“ и новиот дом на Тотенхем.

„Кралскиот клуб“ полека влегува во завршна фаза на реконструкцијата, додека Барселона тоа го почна оваа година и извесно време нема да настапува на домашниот „Камп Ноу“.






 
 
 

Comments


bottom of page