„Поврзување“ – изложба на Наталија Пулејкова Радеска во КИЦ

01.12.2021 Dekemvri Sreda

Во Културно-информативниот центар – Скопје, во Изложбениот салон – Империјал 2 на 2 декември во 19 часот ќе биде отворена самостојната изложба „Поврзување“ на академскиот сликар Наталија Пулејкова Радеска.

На изложбата ќе бидат изложени 15 дела работени на платно во комбинирана техника во период од 2020 и 2021 година.

Наталија Пулејкова Радеска е родена 1982 година во Скопје, Македонија. Во 2004 година дипломирала на отсек графика, а во 2006 година магистрирала на отсек сликарство на Националната Ликовна Академија во Софија, Бугарија. Има остварено седум самостојни изложби и учесник е на голем број групни ликовни изложби и колонии во Македонија, Бугарија, Србија, Босна и Херцеговина, Италија, Франција, Канада. Член е на Друштвото на ликовни уметници од 2011 година. Живее и работи во Скопје.

Публиката изложбата ќе може да ја погледне до 10 декeмври.